top of page

Fasi lava i Samoa ana moa mo le fofoga taumafa.



O le manulauti a le malo ma le Matagaluega o Fa'ato'aga ma Faigafaiva ina ia fa'alagolago lava Samoa i ona lava laufanua ma atina'e.


O le fa'ama'ite lea a le Matagaluega o Fa'ato'aga ina ia mafai lava e Samoa ona gaosi ana lava oloa ma fa'atauina nai lo'o le fa'alagolago i olo'o fa'atau mai fafo.


O nei fa'ama'ite e aofia ai ma le fa'afailele o a tatou lava moa i Samoa nei ma fasi ona tu'u pusa lea mo le fa'atauina atu i tagata o le atunuu ae o le mea mautinoa e taugofie ma soifua maloloina.


O nei polokalame fa'ama'ite e aofia ai ma le Poloketi o le falemoa lea ua taulamua ai le Kamupani a Frankie i Mulifanu. O lenei poloketi o lo'o lagolago malosi e le malo e pei ona saunoa ai le Palemia o Samoa ia Fiame Naomi Mata'afa i le sauniga e tatalaina ai lea galuega.


O le manulauti a le malo ma ana faigafa'avae ia sa'ili avanoa e faigofie ona maua le fesoasoani talafeagai ma le soifua manuia ma le soifua maloloina o tagata o le atunu'u ae o le tulaga ia gafatia.


Na fa'afetaia e le malo e tauala atu i le tama'ita'i Palemia ia Fiame Naomi Mata'afa le lagolago ma le finau o ni isi o fai pisinisi i Samoa o le tinou i auala lelei au Samoa ma ona Tagatanuu. Ua le gata ua mafai lava ona fa'afailele i Samoa moa mo fuamoa ae o lea fo'i ua mafai nei ona fasi lava i Samoa le moa ma fa'asoasoa atu i faleoloa aua le atunu'u lautele.


O le isi itu mautinoa, o le 'a maua ai fo'i ma avanoa faigaluega a tagata o le atunu'u aemaise lava o le tupulaga lalovaoa o Samoa.


429 views

Komentarai


bottom of page