top of page

Fautuaina malosi e le Matagaluega o Pisinisi Alamanuia ma Leipa faioloa uma ina ia fa’atau oloa i tau talafeagai.

Lauano Demtrius Ah Mau.


Ua toe fa’amamanatu ma faufautua mai le Matagaluega o Pisinisi Alamanuia ma Leipa i le mamalu lautele o le atunu’u ma soo se faioloa e aofia ai faioloa si’iatoa, faioloa ta’itasi ina ia fuafua lelei tau o oloa e pei ona masani ai, ae aua le avea le sioki o oloa ma tulaga e si’i ai tau o oloa i ni tau ua le talafeagai ma taugata.


Ua maitauina e le matagaluega i luga o upega o fa’amatalaga le anoano’ai o fa’asea a le mamalu lautele o le atunu’u e uiga i le si’itia fa’afuase’i oo tau o oloa i le tele o faleoloa e aunoa ma se suiga e aunoa ma se fa’asilasila mai i le Poloaiga Faatutotonu o Tau o Oloa. Ua tafilissaunoa le au faioloa i le siitia o tau o oloa, aemaise lava i oloa o lo’o sioki le auaina mai ma sapalai mai i le atunu’u ona o fa’aletonu tau vaa la’u oloa.


E tusa ma se pepa o fa’amatalaga ua fa’asalalauina fa’alauaitele e le matagaluega ua taua ai o se solitulafono i soo se faioloa le si’itia ai o tau o oloa e ese mai i tau ua maea ona pasia ma fa’amaonia mai i le matagaluega, o tau uma fo’i o oloa o lo’o fatulagaina ile Poloaiga Faatonutonu o Tau o Oloa. O lo’o fautuaina foi faioloa ina ia faailoa pe fa’apipi’i le Poloaiga Faatonutonu o Tau o Oloa i se nofoaga malu ma faigofie ona silafia e tagata faatau tau o oloa.


O suiga fou i tau o oloa(siitia oe faaititia) ese mai i tao o loo faatulagaina i le Poloaiga Faatonutonu o Tau o Oloa, e tatau ona faatulaga ma faamaonia mai e le Matagaluega, m,a o nei tau fou e faailoa lava fa’alauaitele e le Matagaluega aua le nofo silafia e tagata faatau ma le atunuu lautele.


O lo’o tatalo mai le Matagaluega o Pisinisi Alamanuia ma Leipa i le mamalu o le atunuu ma tagata faatau ina ia galulue fa’atasi e ala i le lipotia atu i le Matagaluega o ia faiga le talafeagai o le siitia o tau oloa ma ia tuuina atu ma pepa faamaonia po’o lisiti o faatauga.


137 views

Comments


bottom of page