top of page

Feiloa'i Joseph Parker ma Deontay Wilder, 'ae o Anthony Joshua ma Swede Otto i le Aso 24 Tesema 2023



Ua fa'amaonia o le aso 24 o Tesema 2023, o le 'a fa'ataunu'uina ai le fusu'aga i le va o Joseph Parker ma le ali'i o Deontay Wilder i totonu o Saudi Arabia.


O se fusu'aa ua leva ona fuafuaina, ae o lea fa'ato'a taunu'u ina ioe mai le ali'i o Deontayt Wilder i le lu'i a Joseph Parker.


O lea lava fusu'aga, ua fa'atulaga mai ai fo'i ma le paga a le siamupini talu ai o le lalolagi ia Anthony Joshua, lea o le 'a fufusu ai ma Swede Otto Wallin.


O le fusuaga lona 4 lenei a Lupesoli'ai Joseph Parker i le tausaga lenei 2023, ma o se moemitiga lenei i le susuga ia Parker i se taimi o le 'a iloilo ai ma le ali'i o Wilder lea ua taunu'u lava i le taualuga ai le tausaga 2023.


Ua fa'ailoa le susuga ia Parker, o le 'a taumafai lava ina ia manumalo i lenei fusuaga ma le siamupini talu ai o le WBC ia Deontay Wilder.


E iai lona fa'amoemoe, ua lava tapena mo lea fusuaga ona o lo'o galulue fa'atasi ma le tasi o ali'i fusu ta'uta'ua o lo'o iai ni isi o pine o fusuaga a le lalolagi ia Tyson Fury.


O Deontay fa'ato'a toe fusu lenei talu mai lana fusu'aga mulimuli ma le ali'i Findland o Robert Helenius i le masina o Oketopa i le tausaga 2022.

344 views

Comments


bottom of page