top of page

Fesiligia e le faipule o Fa'asālalele'aga 5 le taofia o le latou miliona.

17 Ianuari 2023.


Faipule: Afioga Pesetā Vaifou Tevaga (Fa'asalele'aga 5)

Na usuia le fono muamua a le Palemene a Samoa i le tausaga lenei 2023; o mata'upu ua fa'agasolo lona fa'atalanoaina i le fono lenei a le Palemene, o fealafolafoa'iga lea i luga o le Faitauga lona lua o le tala fa'atatau Fa'aopoopo o le Tupe 2022/2023.


I le saunoaga a le sui faipule mo le Itumalo fa'apalota o Fa'asalele'aga 5 ia Pesetā Vaifou Tevaga, na ia lāgā ai se tasi o matā'upu i le tusi na 'auina atu e le Afioga i le Ali'i Minisitā o Tinā ma Tama'ita'i, Atina'e o Nu'u ma Agafeso'ota'i ia Leota Laki Lamositele.


O le tusi lenei, sa fa'ailoa atu ai le taofia ai lē tumau o le toe fa'amatu'uina atu e le mālō o le seleni mo le poloketi o le 1 miliona i Itumālō fa'apālota.


O le saunoaga a Pesetā, ua fesiligia ai po'o a mafua'aga sa'o ua āfua ai ona tāofi lea poloketi mo lona itumālō.


Na fa'auilavea le afioga i le Ministā o Fa'ato'aga ma Faigafaiva ia La'aulialemalietoa Polataivao Fosi Schmidt o ia foi o le sui mo le soa komiti o le Poloketi lenei o le 1 miliona tālā.


Na tā'ua e le Afioga i le Minisitā o Fa'ato'aga, e tusa ai ma fa'amaumauga ma le lipoti a le 'au su'etusi a le mālō, ua lipotia ai nei le leai o se fa'amalieina o faiga fa'avae o lenei poloketi ma e pei ua aga'i ‘ese le itumālō ia latou lava fa'ai'uga e pei o le tufaina o le seleni ma ni isi tūlaga ua le ō gatasi ai ma le faiga faavae lea ua ta'atia i lea poloketi.


1,265 views

Comments


bottom of page