top of page

Fetu'una'i Minisitā, tōfia Minisitā Fou, fa'aaopoopo le Matāgaluega Fou.

07 Setema 2023: O le măe'a ai o le fonotaga a le Kapeneta i le Aso Lulu 6 Setema 2023 ua fa'amaonia a ni isi o suiga ma fetuunaiga o galuega a Minisita o le Kapeneta.


O le afiafi ananafi na fofogaina ai e le Tamaitai Palemia Hon Fiame Naomi Mataafa iugafono a le kapeneta ma nei suiga fou.


Saunoa Fiame, talu ai ona le tele o galuega ma Matāgaluega o lo'o vaaia e isi Minisita o le ala lenei ua faapena ona fai ai nei suiga ma fetuunaiga i galuega tauave.


O le tamaitai Palemia ua avea nei ma Minisita o Tagata Maimoa mai poo Turisi, o Toeolesulusulu Cedric Posē Schuster o loo tūmau pea le avea ai ma Minisita o Punaoa Faalenatura ma le Siosiomaga ae ua faaaopoopo iai ma Fanua a le Mālō(S.L.C) faatasi ai ma Esetete Tausi.


O le afioga ia Leatinuu Wayne Sooialo ua tasi nei le Matāgaluega ua ia tauaveina, o le Matagaluega mo Faalapotopotoga a le Mālō(M.P.E),o le afioga ia Leota Laki Lamositele sa avea ma Minisita ole Matagaluega o tinā ma tama'ita'i ua see ane nei e avea ma Minisitā o Pisinisi Alamanuia ma Leipa(M.C.I.L).


O le isi suiga o le afioga ia Mulipola Anarosa Ale Molioo sa avea ma Minisita o Tupe, o lea ua tōfia e avea ma Minisitā o Tinā ma Tamaitai.


E lua Minisitā fou ua tōfia, e aofia ai le Afioga ia Lautimuia Afoa Uelese Vā'ai ua tōfia e avea ma Minisita o Tupe aemaise o Galuega Faavaitaimi. Ae o le Afioga ia Laumatiamanu Ringo Purcell ua tōfia nei e avea ma Minisita o le Matagaluega Fou ua fa'atulai e tāua o le Matāgaluega o Ta'aloga(Ministry of Sports and Recreation).


O le faaopoopo ai o Minisita Fou e toalua ua atoa ainle 15 o Minisitā e tauaveina galuega faalemālō.

Palemia Ministry STA.

Toesulusulu MNRE & Land, Esetete Tausi, S.L.C.

Leatinuu Wayne So'oialo: M.P.E.

Leota Laki Lamositele: M.C.I.L.

Minisita o Tupe ma galuega Faavaitimu: Lautimuia.

Sports: Lautimuia.

2,369 views

Comments


bottom of page