top of page

Filifili Josua Tuisova e fai taulaga mo Fiti nai lo'o le 'auai mai i toe sauniga o lona atali'i.



E le faigofie ia Josua o se tama ta'alo mo le 'aulakapi a Fiti o lo'o ta'alo i le Ipu o le Lalolagi, ona fai lana fa'ai'uga e le 'auai mai i toe sauniga o si ona atali'i 7 tausaga le matua lea na falelauasi i le Aso Lua 3 Oketopa 2023.


E maliu le atali'i o le susuga ia Josua, o loo tapena le ta'aloga ma le 'au a Georgia, ma o se tulaga na fa'ateia ai le tama ta'alo ma sa tauau ina a fa'avaivai ma toe fo'i mai i lona tunu'u.


O le tama o Tito ia Josua Tuisova o lo'o i totonu nei o Farani i le Ipu o le lalolagi o le ta'aloga lakapi, ma ua le mafai ona 'auai mai i toe sauniga o lona atali'i.


I le aso ananafi na fa'ataunu'uina ai ona toe sauniga ma sa 'auai le Minisita o Tupulaga Talavou ma Ta'aloga ia Jese Saukuru, na folasia upu fa'ala'ei'au ma fa'amalosi a le Minisita i le ali'i ta'alo o Tuisova, ia fa'ailoa ai o lo'o iai fa'atasi lona 'aiga i nei ma le malo o Fiti latou te fesoasoani i lona faletua ma le 'aiga aemaise o le fa'amalosi'au i le susuga ia Tuisova ao tapena ai i ni isi o ta'aloga faitaulia.


O le fa'amuamua a le faigamalo ua tula'i mai nei, o le fa'amafanafana lea i tagata ua mana'omia le feoasoani, aemaise o le ofoina atu o 'au'aunaga maua fua mo soo se isi o feagai ma gasegase o le mafaufau.

1,184 views

Comments


bottom of page