top of page

Filifilia Leituala e avea ma Fa'atonu Sili o le IUCN Oceania.

O le aso ananafi na faafeiloai ai e Fiti le afioga ia Leituala Kuiniselani Toelupe Tago ua tofia e avea ma Faatonu o le IUCN Oceania.


O le sē'ei ai o Leituala i le tofiga faatonu o le 'ā aumai ai le tele o lona tomai i le silia ma le 26 tausaga o galue ai i faalapotopotoga tetele faʻaitulagi ma faavaomalo.


Talu mai le 2015, sa galue ai o ia mo le Pacific Community (SPC) i tulaga eseese, ma o se tasi lea o tulaga ua ave iai le faatuatuaga a lenei faalapotopotoga a le Oceania.


O Leituala ua sui tulaga ia Maria-Goreti Muavesi o le sa avea ma Faatonu talu mai Me 2023. Ua toe fa'aauauina e Leituala lana matafaioi sa avea muamua ma Ulu o le Ofisa Loia mo le IUCN Oceania.


Ua iai le talitonuga ma le faatuatuaga a le IUCN o le 'ā agai i luma le tulaga i lalo o le ta'ita'iga a Leituala Kuiniselani Toelupe Tago, o le a fa'aauau pea ona fa'amalosia e le fa'alapotopotoga lona auai ma faia ni suiga talafeagai i atumotu tau atia'e o le Oceania.


O le faalapotopotoga lenei e faamautū lona ofisa Tutotonu i Fiti.


O le IUCN o se faalapotopotoga o Faasao o le Natura i le Itūlagi lenei e iai atunuu e 24 faatasi ai ma Niu Sila ma Ausetalia.



364 views
bottom of page