Filifilia Saelua Seletileaula toe taalo mo le au a tama’ita’i a le Weatern Force.

By Lauano Demetrius Ah Mau.

O lea ua toe filifilia e le kalapu lakapi a tama’ita’i a le Western Force, le tama’ita’i Samoa ia Saelua Seletileaula. Sa mafai ona taalo Saelua I le Western Force mo le tausaga e tasi lea na iai le tausaga ua tuana’i atu.

O le tama’itai ia Saelua ua leva ona taalo I kalapu lakapi a tamaitai I totonu o Samoa lava ia, e pei ona iai le kalapu lakapi a tama’ita’i a Apia Maroons. Sa mafai ona auai atu ma taalo I le ta’aloga o le lakapi pa’i ma filifilia ai I le au lakapi pa’i a le atunu’u lea sa tausinio I ta’aloga a le Pasefika ua mavae atu nei lea sa faia I Solomona, ma o Seletileaula sa avea ma kapeteni mo le au a tama’ita’I lea sa siamupini mai ai. O se tasi fo’i o tama’itai filifilia o le ‘au ta’ito’a fitu a tama’itai o le Manusina ma taalo ai i nisi o tausaga, lea fo’I sa filifilia e ta’alo i le au lakapi 15 a tama’itai a Samoa le Manusina XV.

O lea faailoa faalauaitele le toe sainia ai e Saelua o lana konakarate e toe taalo ai mo le Western Force I le tausaga lenei ua lua iai tausaga talu ona tautua i le kalapu lenei a tama’ita’I i totonu o Ausetalia.