top of page

Foa'i le fa'alapotopotoga e igoa o le Taumeasina i le Mapu i Fagalele.

16 Novema 2022


O le po o le Aso To'ona'i 12 2022 na faia ai se fiafia a le fa'alapotopotoga ua fa'aigoaina o le Taumeasina i le Marina i Matautu.


O lenei fiafia sa fa'aigoaina o le TAUMEASINA GALA 2022, o le tausaga lona lua lenei fa'amoemoe e pei ona tu'ufa'atasia e le tama'ita'i ia Mona Toomalatai Langkilde ma sui auai o lenei fo'i fa'alapotopotoga.


Na 'aua sui mai ni isi o pisinisi, o pule o ni isi o kamupani na vala'aulia aemasie o ona sui 'auai uma.


O le 'a'ano moni ma le fa'amoemoe o lenei fa'alapotopotoga na mafua ai ona fa'avaeina, ina ia mafai ona fa'afiafia i tagata ae le gata i lena o le toe maua ai o avanoa e toe fesoasoani ai i le atunu'u, e pei ona iai le fa'amoemoe mo le Mapuifagalele i nofoaga o tama ma tina matutua.


O se po fo'i na fa'aali ai ni isi o taleni ua fa'ataleni ina ai le atunu'u, e pei o la'ei, teuina o lau ao, teuina ma le fa'aaulelei ina o foliga.


O seleni uma o lo'o fa'atino ai polokalame ofo fua ma galuega fesoasoani a le Taumeasina, e maua mai i sailiga seleni sa faia ma seleni na alolofa mai ai nisi o sui o le fa'alapotopotoga o lo'o aumau i atunu'u e mamao.


O le fa'ai'uga o le po na faia ai se tufatufaga fa'ailoga i le tagata matagofie lona la'ei na mauaina le seleni e $1000.00 ma le ipu, tulaga lua na mauaina le $500.00 ma le afifi meaalofa, tulaga tolu na maua le $500.00.


Ae le gata i lea o le fiafia e ala i taumafataga ma meainu na tapenaina e le komiti.


Ua iai le fa'amoemoe o le ta'ita'i o lenei fa'alapotopotoga, i se taimi o le tausaga fou 2023 o le'a o'o ai i se tulaga sili atu nai lo'o lenei tausaga.


PC: Facebook (Cynthia Toalei)


285 views

Comments


bottom of page