top of page

Foai e Iapani le seleni e 543 afe tala Samoa mo fuafuaga ale Pulega o Suavai.




Tusia e Lauano Demetrius Ah Mau.

Ata pueina: Savali Newspaper.


O lea ua sainia e le Pulega o Suavai le foai tupe ale malo o Iapani e $201,288 tala Amerika e tusa ma le $543,00 afe tala Samoa, o le faamoemoe o lea seleni e mo le faaatauina o taavale pikiapu Land Cruiser mo le faaogaina e le au faigaluega.

O le faamoemoe lava o lenei fesoasoani ia faaleleia atili ai le auaunaga ale Pulega o Suavai mo le tali atu I manaoga a aiga ma le mamalu o le atunuu o loo moomia le auaunaga ale pulega I soo se taimi.

O le talosaga sa tuuina atu I le masina o Aokuso I le tausaga ua mavae nei lea ua tali mai ai le malo o Iapani I le tausaga nei e tusa ma lenei foai tupe.

O taavale pikiapu Land Cruiser e 5 o le a faatau ua faailoa e le Pule Sili ole Suavai Afioga ia Fuimaono Faatoialemanu Dominic Schwalger, o lea faaoga I Upolu ma Savaii I galuega ale pulega male au faigaluega pea manaomia.

Ua aoga tele lenei sainigalima e tusa male foai ale malo o Iapani e le gata I lea ae o le amataga foi o le faiga paga ale Pulega o Suavai male malo o Iapani I le tele o itu o loo fia faaleleia ai le auaunaga ina ia maua e le atunuu se sua I mama ma le lelei.

71 views

コメント


bottom of page