top of page

Fofola le fala a le Lakapi Samoa e fa'ailoa le latou fo'i itu o le tupe i tuua'iga a Elijah Niko.


Ua tuuina mai e le Lakapi Samoa faamatalaga “e foia ai ma faasa‘o tuuaiga sese” na faia e se tama na ta'alo i le Manu Samoa, Elijah Niko, i luga o le upega tafailagi, Facebook.


Ua faailoa mai e le pulega o le lakapi Samoa, atugaluga na laga e le alii o Niko, ma uunaia ai o ia ina ia uia auala talafeagai e ala i le fa'atalanoa ma le Pulega ma le Asosi a le au taaalo.


O le fa'amoemoe ma le manatu a le Lakapi Samoa ia lelei tulaga o fesootaiga ma maua le manino i soʻo se mataupu ma atugaluga.


I le fa'amaninoga o le vaevaeina o totogi po'o alauni a tama ta'a'alo:


Tama ta'alo Autu (18 Tagata Ta'alo): SAT$300.00 i le vaiaso;


Tama Ta'alo tau atina'e (8 Tagata Ta'alo): SAT$150 i le vaiaso;


Alauni mo le Ta'amilosaga (14 tagata ta'aalo filifilia): NZD$1,000.00 liliu i le Tala Samoa $1,700 i le ta'amilosaga.


VAEGA FA'AVAE

1. Mo se tagata ta'alo i le 'au lautele ae le'i filifilia i so'o se vae(s) o le ta'ito'a fitu po'o isi ta'amilosaga o le a maua se alauni ta'i tausaga e SAT$15,600

Mo se tagata taalo tau 'amata i le 'au tele a le atunuu, e na te mauaina le aofaʻi o alauni i tausaga taʻitasi e SAT$7,800.


Mo se tagata taalo ua filifilia i le au tele ma malaga atu i ta'amilosaga uma o le ta'ito'afitu a le lalolagi ma isi ta'amilosaga, o le a maua le alauni atoa e SAT$32,000.00.


O sao uma tau tupe e maua e le Manu Samoa 7s i lana malaga taamilo mai atunuu eseese o lo'o iai tagata Samoa(Samoan Community) i atunuu i fafo e agai sa‘o lava i le au taaalo ma le pulega e aunoa ma se mea e agai i le Lakapi Samoa. O nei fa'amanuiaga tau tupe fa'aopoopo mo le au ta'aalo ma le pulega o le 'au.


I lenei fa'amatalaga mai i le Lakapi Samoa, ua fa'ailoa manino ai le ave pea o le fa'amuamua a le Lakapi Samoa i mana'oga o tama ta'a'alo.


O nei vaega e aofia ai 'aiga e lua i le aso i le taimi o tolauapiga a le 'au, a malaga mo ta'aloga i atunuu i fafo, e tolu 'aiga i le aso e aofia ai auala o femalagaina ma le faletalimalo, e iai fo'i le fesoasoani mo ta'avale e fa'aaga e tama ta'aalo e leai ni 'auala i totonu lava o Samoa ma e le gata i lea, ae e ofoina fo'i fesoasoani tau i le soifua maloloina e pei o siaki fa'afoma'i ma isi.


O isi o itu taua ua fofola ma fa'amalamalama e le Lakai Samoa e tali atu i ni tuuaiga na faia i Upega o fa'amatalaga e le susuga ia Elijah Niko ma tu'ua'ia ai le fa'aletonu o tupe maua e tama ta'aalo i le au taitoafitu a Samoa.


O le tatalo a le Pulega a le Lakapi Samoa, mo so'o se isi lava aemaise o tama ta'a'alo ina ia fa'aulu sa'o tagi ma ni faitioga i le Pulega Fa'atonu a le 'au lakapi nai lo'o le fa'aogaina o Upega o Faamatalaga.

2,057 views
bottom of page