top of page

Gāsese e le au a Toga se taumafataga mo le Toa Sāmoa.

21 Novema 2022.


Toa Samoa and Mate Ma'a Tonga (PC: Tongan Ruby League Facebook)

O le mae'a ai o le ta'aloga finau a Ausetalia ma le Toa Samoa i le sa'iliga siamupini i le Aso Sa, na fa'ate'ia ai le Toa Samoa ina ua vala'aulia le 'au atoa e 'auai atu i se fa'atali fa'aaloalo a le malo o Toga e ala lea i taumafataga na latou tapenaina e talisua ai le Toa Samoa pe'a mae'a le ta'aloga.


O se va'aiga fa'amomoiloto i tagata Samoa aemaise o tama o le 'au 'ona o le lagolago o tagata Pasefika i ana taumafaiga, e ui ina e le'i manuia ana taumafiga mo le ipu 'autu o lea ta'amilosaga.


Junior Paulo ma isi malo

I le taimi o le ta'aloga o se va'aiga mata'utia na va'aia i le malae, ina ua lagolago le Toa Samoa e le to'atele o tagata ese'ese o le lalolagi aemaise lava o taga o Enelagi lea na talimalo i lenei ipu o le lalolagi o le tausaga lenei 2022.


E le'i itiiti fo'i le lagolago a ni isi o atunu'u o le Pasefika e Pei ona molimauina i le taimi o le ta'aloga lenei ae o le vaiaso fo'i ua tuana'i i solo tetele na fa'atinoina e tagata nu'u o Samoa i atunu'u ese'ese o le lalolagi.


I le malolo ai o Samoa i le la ta'aloga ma Ausetalia e leo se tulaga ua fa'anoanoa ai ana tagata lagolago 'ae ua nao le lagona o le fiafia ona o se taimi muamua i le tala fa'asolopito ua o'o ai se atunuu o le Pasefiaka ma Samoa i luga i se sa'iliga siamupini.


I le mae'a o le ta'aloga i le Aso Sa, na faia ai se fiafia pu'upu'u a tama o le Toa ma na fa'atasi ai ma le afioga i le sui palemia o Samoa le afioga ia Tuala Iosefo Ponifasio.


Sa momoli e Tuala e fai ma sui o Samoa ma le malo le agaga o le fa'afetai i le 'au a le Toa ona o le ta'aloga na alo iai aemaise o le tele o le sao ua latou fa'aeaea ai Samoa i fa'agatama fa'avaomalo i le lalolagi.


O Samoa ua tasi ua avea ma ulua'i atunu'u o le Pasefika ua au i luga i le sa'iliga siamupini o le ipu o le Lalolagi i le ta'aloga o le Lakapi Liki.


O le 2025 o le'a talimalo ai le atunu'u o Farani i le isi ipu o le lalolagi.


2,862 views

Comments


bottom of page