top of page

Inu mālō usu ma nu'u i faiga Suafa Matai o le 2023.

Saofa'i o le Suafa Aloimaina ma Fuatia i Samata ia Iulai 2023.


Ua vasa'i mai le vevesi ma le tumutumu o Samoa i le mamalu o le atunuu a malaga mai i fafo aua faamoemoe o 'aiga ma fiafiaga o le Kerisimasi ma le tausaga fou i le tausaga na te'a nei 2023.


E le'i iloa ni aso fiafia i le tel o fa'amoemoe fa'ale'aiga sa iai nu'u ma afioga i Samoa, aemaise o saofa'i ma suafa matai fou.


Na amata ona pisi Samoa i le masina o Novema ma fa'asolo mai ai i le masina o Tesema se'ia o'o mai ia Ianuari, a'o fa'agasolo pea saofa'i mo suafa matai i nu'u.


O le tele o nuu ma afio'aga e silia ma le 4 ni fa'afotu o le va'ali'i ma le va'aulu i le vaiaso i 'aiga ese'ese, ma o le 60 pasene o latou sa nofo i suafa matai o tagata e nonofo ma aumau i atunu'u i fafo.


O se tulaga ese lea i le fa'aiuga o le tausaga ua mavae ona o le taimi muamua lea fa'ato'a toe aga'i mai ai le toatele i Samoa talu ona poloka i le fa'ama'i o le Koviti 19.


O le fa'ataunuuina ai o nei fa'amoemoe a aiga ua o se itu ua 'ae'ae ai tele o nu'u aemaise o le itumalo ma malo usu.


O le masani lava a fai se saofa'i a se nu'u, e aga'i iai ni matai o isi nu'u ma 'ava tugase e fai ma sui o nu'u ona maua fo'i lea o sina sene e talimasineia ai le 'ava.


O suafa matai taua o nu'u ma 'aiga ua maitauina ua tele ina fa'ee atu i nisi o alo ma fanau talavou mo le fa'amoemoe e tautua ai le aiga, nu'u aemaise o le Atua ma lona finagalo.


700 views
bottom of page