top of page

Lē mau gagana le Kovana Sili ile talimālō a Sāmoa Tuto'atasi.

15 Oketopa 2022

O se tūlaga na maofa ai le Kovana Sili o ‘Amerika Sāmoa ma le latou faigamalaga ina ua 'ave iai le fa'aaloalo a Sāmoa Tuto'atasi e āsia ai 'e le Kovana Sili ia Lemanu Peleti Mauga ia malu o le mālō(Guard of Honour).


I le saunoaga 'a le afioga i le Ali'i Kōvana Sili a ‘Amerika Samoa na ia fa'afetai ai i le Tama'ita'i Palemia o Sūmoa ia Hon Fiamē Naomi Mata'afa e tusa o se fa'aaloalo maualuga ua amana'ia ai lona fa'atauva'a e āsia malu o le mālō a'o tula'i fa'aaloalo.


"Lenei aso, i le agaga fa'agae'etia 'i le pa'ia o le mālō o Sāmoa, mālō fa'afetai le talimālō i lau fa’aaloalo fa'atamāli'i lea na tu'u mai ai ‘oute asiasi ai i malu ole mālō, ole 'upu moni ua le gagana le 'au'auna a'o ai ‘ea ‘Amerika Sāmoa ‘ua lape ai lau fa'ai'uga."


O ‘upu fa'afetai ia a le afioga i le ali'i Kōvana Sili o ‘Amerika Sāmoa ‘e tusa ‘o le fa'aaloalo maualuga na fa'atinoina ile taeao o le Aso Tofi.


O ni isi o matā'upu o le'ā talanoaina ma lauliliu iai le fīliga i lenei talanoaga a 'ATOA O SAMOA, e aofia ai le fa'atalanoaina o le tamāo’aiga fa'asoa ma 'oloa fa'asoa, fa’amālosia o pisinisi fa'aloto'ifale, fa'afetaua'iga o fua o fa'atoaga, matā'upu tau soifua mālōlōina, matā'upu i a'oga tau'oloa, ‘auala ‘o femalagā'ina, feutaga’ina o ‘ofisa o femalagā’ina, puipuiga o fanau ma ‘āiga i tūlaga o fuālā'au fa'asāina ma 'oloa fa'ananā ma ‘auala o feso'ota'iga.


O le Aso Faraile 14 o Oketopa e fa'amoemoe o le'ā taualuga ai lenei talanoaga a le 'ĀTOA O SAMOA.

638 views

コメント


bottom of page