top of page

"Lagona o le loto fa'afetai i le Atua, ona ua mafai ona ou toe fo'i mai i le Palemene". Mau'u.



O lagona o le fiafia ma le fa'agae'etia na fa'aalia e le sui faipule o le Va'a o Fonoti ia Mau'u Siaosi Pu'epu'emai, i fafo ane o le Fale Fono o Samoa i Mulinu'u ina ua mae'a le sauniga o le fa'atautoga. Sa ia fa'aalia lona fa'agae'etia ma le fa

afetai i le Atua ona o lenei avanoa ua toe mauaina e fo'i mai ai i le Palemene o Samoa e fa'aauau lana tautua mo lona itumalo.


"O lagona lava o le loto fa'afetai i le Atua, ona ua mafai ona ou toe fo'i mai i le Palemene o le atunu'u e ala lea i le faiga filifiliga a si o'u itumalo".




E lei matu loimata o le afioga i le Alii faipule, ina ua saunoa e momoli lana fa'afetai i lona itumalo o le latou fa'atuatua o lo'o tumau ia te ia e nate tu'aveina le nofoa o le Va'a o Fonoti.


O le afioga ia Mau'u o le tasi o sui sa fa'amavae mai ma le Vaega Fa'aupufai a le HRPP lea na sao mai ai totonu o faiga upufai o malo ina ua mae'a le palota tele i le tausaga e 2021. O le fa'amavae mai ai o Mau'u ma le HRPP, o le fa'amoemoe ina ia saili lava se manuia aluiluma o lona itumalo ma o le ala lea sa filifili ai le agai i le Fa'atuatua i le Atua Samoa ua Tasi ona o le talitonuga e vave ai ona tali ona ma'oga aua le itumalo ma tagatanu'u.


Ina ua fa'amavae mai Mau'u, sa fa'ase'etuagalu ma tuto'atasi aepeita'i e tusa ai ma tulafono o faigapalota e tatau lava ona toe fo'i e fai le faigapalota ma o lea sa molituina ai e le Fofoga Fetalai le afioga ia Mau'u ma isi sui faipule e to'alua i le Fa'amasinoga ina ia fa'atonu mai e le fa'amasinoga le tulaga sa'o e tatau ona iai, ae peita'i a'o fa'agasolo taualumaga o le fa'amasinoga o le a na toe ave ai tua lenei mata'upu ma malilie autasi ai nei sui e toe fo'i e fai a latou faigapalota laiti.


Ina ua mae'a le faigapalota laiti, ma o lea na toe filifilia mai ai latou uma ma sui o Faleata 4 ma Si'umu e latou itumalo, e toe tau'ave ma fa'aauau le nofoa o le itumalo.


Na fa'atumulia le maota fono i le taeao nei i paia o itumalo ma 'aiga e molimauina fa'atautoga a sui faipule.

1,866 views

Comments


bottom of page