top of page

Lami Enelagi ile Toa Samoa i lana ta'aloga muamua.

PC: Facebook Toa Samoa.


E le'i momoe lelei le atunu'u e le gata i Samoa nei a'o so'o se Samoa o lo'o ta'ape i le lalolagi e talia le taimi o le ta'aloga muamua a le Toa Samoa ma le 'au a Enelagi lea ua tala malae nei i le ipu o le Lalolagi o le ta' aloga Lakapi Liki 2022.


E le gata ina fa'atali le taimi o le ta'aloga ae o le talia atu ai ma le taimi o le asi ina o le i'a o le palolo lea e fa'amoemoe e asi i le taeao nei o le Aso Sa 16 Oketopa 2022.


Ua tau fai la'ei uma le lanumoana ma saofafa'i i se tipoti Koko Samoa po'o se Kofe e ma fa'atali le taimi lea na fa'atulaga ai e fai ai le ta'aloga i le 2:30am i le vaveao o le Aso Sa 16 Oketopa 2022.


O se tasi o ta'aloga ua leva na fa'atali iai tagata o le lalolagi aemaise o Samoa, ona o se tulaga ese i tama ta'a'alo ua filifilia mo le Toa Samoa ile ipu o le lalolagi.


I le ta'aloga lenei a Samoa ma Enelagi, o se tulaga na maitauina i le silia ma le faitau afe o tagata na maimoaina lenei ta'aloga i ala fa'asalalau le mata'utia o le malolosi uma o 'au nei aemaise ai o le' au a Samoa lea o lo'o ta'aalo ai nisi o fetu pupula tauta'ua ole lakapi liki i le lalolagi.


Peitai i le maea ai o le taaloga ua manumalo ai Enelagi i ai e 60 i le 6 a le Toa Samoa.


E ui lava ina le manuia taumafaiga a le Toa Samoa ae o lo'o tumau pea le lagolago a Samoa.


O le taimi mulimuli na ta'a'alo ai le Toa Samoa ma le au a Enelagi o le ta'amilosaga o le 4 Nations Cup i le 2014 na faia i Brisbane i Ausetalia, lea na manumalo ai foi Enelagi i 'ai e 32 i le 24 a le Toa Samoa.

343 views

コメント


bottom of page