top of page

Lapata'i leoleo e taofi le fa'aaogaina o Fu'a Samoa i se solo ta'avale ma ia fai ni Pemita.

4 Oketopa 2022

Ua lapata'i nei e le Matagaluega o leoleo e tauala mai i se Pepa o Fa'amatalaga i le Aoauli nei o le Aso Faraile 4 Novema 2022, ia le mamalu o le atunu'u, mo so'o se tagata, fa'alapotopotoga po 'o ni kalapu e fia fai ni a latoy solo ta'avale i luga o le auala tele e fa'ailoa ai le lagolago i le tatou au o le Toa Samoa, 'ina ia fai ni Pemita e fa'ataga ai.


E taofia e le Matagaluega o leoleo so'o se isi e faia e aunoa ma ni pemita.


E le gata i lea, ua fa'ailoa fo'i e le Matagaluega 'ina ua taofia le toe fa'aaogaina o le tagavai po'o le fu'a o Samoa i ni solo ta'avale po'o se isi lava.


E ono molia se isi e fa'aaogaina le fu'a ole tagavai o Samoa i nei gaioiga.


Ua fautuaina fo'i e leoleo le mamalu o le atunu'u ina ia fa'aali le lagolago i se 'auala filemu ma ia tausisi i le tulafono i taimi uma fa'apea ai ma aiaiga o lo'o fa'ailoa mai i pemita.

4,979 views

Comments


bottom of page