top of page

Lava le silafia o Tuiafelolo i le Tulāfono o Faigāpālota 2019.

19 Tesema 2022.


Tuiafelolo Alexander John Stanley (Komesina Fou o Faigapālota a Sāmoa)

O le vaiaso na te'a nei na fa'amaonia ai e le Kapeneta le filfilia ai o le Afioga ia Tuiafelolo Alexander John Stanley ma Komesina Fou o Faigapālota a Sāmoa i le mavae ai o le tasi tausaga o avanoa lava lenei tofiga ina ua fa'amavae le Komesina talu ai o le Ofisa o Faigapalota le tōfā ia Faimalomatumua Mathew Lemisio i le masina o Tesema i le 2021.


O le afioga ia Tuiafelolo e lē fou ia te ia ni tofiga fa'ata'ita'i e pei fo'i ona galue ai i le tele o tausaga i le mālō o Sāmoa.


E silia ma le 30 tausaga o tautua le afioga i le Komesina Fou o Faigāpālota i Matāgaluega ma Ofisa ese'ese a le tatou mālō, sa galue i le Ofisa o le Komisi o Galuega a le Mālō(P.S.C), o le auaunaga fa'a Soifua Mālōlōina(National Health Service), sa fa'auluulu ai foi le vaega o le Corporate Governance i le Pūlega o Malosi'aga Tau 'Eletise( E.P.C) fa'atasi ai ma isi auaunaga i le mālō.


O lenei tamāli'i ua lava lona silafia i tulāfono o Faigapālota 2019 aemaise o isi tulafono 'uma e fa'agaioi ma fa'amautū ai le tuto'atasi o fa'ai'uga fai a le Ofisa o Faiga Pālota.


O le afioga ia Tuiafelolo o lo'o ia umiaina ni isi o fa'ailoga maualuluga, e pei ona iai ona fa'ailoga o le Master in Business Administration, Bachelor in Management and Public Administration, Tipiloma in Public Sector Management ma le fa'ailoga Tipiloma i Tulaga Tau A'oa'oga(Education).


O le tofiga lenei o le Komesina o Faigapālota e 5 tausaga le ‘umi o le nofoa'iga.


72 views

Comments


bottom of page