top of page

Leai se 'alofaga o tamaiti a'oga fa'atupu vevesi i le tulafono.

31 Aukuso 2022


Ua saunoa manino le ali'i Minisita o Leoleo ia Faualo Lefau Harry Schuster i le vevesi a a'oga na tula'i mai fo'i ile Aso Gafua o lenei vaiaso, e le 'alo lava le tulafono i le molia ai o so'o se tamaitiiti a'oga pe'afai e fa'atupuina vevesi i nofoaga faitele.


Saunoa le ali'i Minisita o se galuega fo'i e tatau ona silasila iai faia'oga ma matua ia fa'atonutonu lelei fanau aua nei toe tupu mai nei vevesi i nofoaga faitele.


E le'o se taimi muamua lenei ua tulai mai ai pea nei vesiga a a'oga, sa molimauina fo'i i tausaga ua tuana'i nei vevesi ma ose mata'upu olo'o taumafai ai fo'i le matagaluega o a'oga ina ia fo'ia nei fa'afitauli.


Na saunoa le ali'i Minisita ina ua fesiligia el e BluTV pe le'o iai se fuafuaga ale matagaluega ina ia fa'atu se ofisa a leoleo i nofoaga fa'atali pasi ina ia mataitu ina tulaga nei oloo tutupu pea i le tele o taimi ma a'afia ai ma tagata lautele.


I le tali manino a le afioga ia Faualo, " I la'u maitau i le taimi nei i le tiute a leoleo lae iai taimi nei, o lae lava leoleo..ao le mea lea o le vevesi o tamaiti a'oga. E pei o lea la fuafua e o leoleo e fa'afilemu tamaiti ae o lae lava iai matua ma faiaoga e faia le galuega lea."


O leisi popolega a le Minisita e tatau ai i matua ona fa'atonutonu lelei fanau, ona e va'ai fo'i i le alofa i lumanai o nei fanau aemaise pe'afai e tapa se kilia mai i leoleo e ono a'afia ai ona o lo'o iai i fa'amaumauga a le matagaluega.


Peitai ua maua nei se fa'asilasilaga ua fa'amoemoe a'oga nei e lua na vevesi o Leifiifi ma Sagato Iosefo i Alafua e fai se feiloa'iga ina ia taumafai e soalaupule lenei mata'upu.


1,539 views

Comentários


bottom of page