top of page

Leai se isi na aafia i le mū na tula'i mai i le fale o se 'āiga i Elise Fou.

O le lata i le itūlā e 7pm i le afiafi o le Aso Toonai, ae va'aia taavale tineimū agai mai i Elise Fou e tineia le mū.


O le mu na sasao ane i le fale ta'avale poo le fale inisinia a le 'āiga, ma sa iloa ane ai ni isi o 'āiga lata ane ma logoina loa le Ofisa Tineimū i Tuanaimato.


E taunuu atu le au tineimū ua sasao le afi ma faaleagaina atoa le fale taavale o loo tutū ai atigi taavale.


Na taunuu atu foi le vaega o fesoasoani muamua poo le koluse mūmū, leoleo ma le Pulega o Eletise auā le faatinoina o le latou galuega.

Na faailoa mai e se tasi o sui o le nuu na auai, e lei iai se isi na iai i le fale sa aafia i le malaia.


O le vave ona tali atu o le tineimū na mafai ona faasaoina mai ai le maota tele o le aiga e i tua ane o le faletaavale na sasao mai ai le mū.


E le'i iloa le mafuaaga o le tulai mai o lenei faalavelave tau mu.


O loo lapatai pea le ofisa o Tineimu ma Faalavelave Faafuasei, ina ia mataala i nei vaitaimi o le leaga o le tau aemaise o le mataitūina o vaega e alu i eletise e ono tulai mai ai se mū.

1,907 views

Comments


bottom of page