Leai se talitonuga e maua ni fanau pepe Samoa i le tinovale.

E toatolu ni fanau pepe na faamauina e le Matagaluega o le Soifua Maloloina i le vaiaso na tea nei le maua i le tinovale (malnutrition).

Ua tā'ua, e se tasi o Fomai i luga o polokalame faaauau a le Soufua maloloina, o se tulaga faigata tele le vaai atu i fanau laiti ao iai i nei tulaga.

Na faailoa e fomai, e tele a mafuaaga o lea tulaga, ae e lei iai se manatu e ono tulai mai ia tulaga i Samoa ona e fai si tele o taumafa i le atunuu.

O ni mafuaaga o le tulai mai o lea faafitauli o le lē faasusu o fanau i suasusu o le tina, o le lē faia o aiga fuafuaina o le tina, aemaise o le sosoo lava o fanau a le tina ma e lei malosi lelei le pepe ae ua toe tō foi.

Ae e iai foi aafiaga e mafua mai ona o le lē tumamā

Ma e tatau i tinā na ave pea le faamuamua i tausiga lelei o alo ma fanauiti e pei ona faamanatu ai lenei polokalame.