top of page

Loka e leoleo le tama'ita'i taufa'avalea.

15 Oketopa 2022

Ua fa'amaonia mai nei e le afioga i le ali'i Komesina o le Matāgaluega o Leoleo ia Au'apa'au Logo'itino Filipo i le Bluwave ananafi le taofia ma lokaina ai o le tama'ita'i o Lynn Nauer lea na tu'ua'ia ile fai ‘oni tūlaga e aoina ai tusifolau ma seleni a ni isi ole atunu'u male fa'a'upuga e fai ai ā latou pepa mo galuega fa'avaitaimi i Ausetalia, ae peita'i ane e lē moni nei faiga.


"Olea ua taofia e leoleo le tina lea, ina ua fa'aulu mai tagi a nisi e fa'asaga iai" Au'apa'au Logo'itino Filipo.


I le lua vaiaso ua tuana'i na manu a'e ai lenei matā'upu 'ina 'ua fa'atonuina ‘e lenei tama'ita'i nisi sa ia aoina seleni ma tusifolau e tapena loa e malaga mo galuega fa'avaitaimi, peita'i e le'i taunu'u lea tūlaga 'ina ua aga'i atu i lātou i le malaeva'alele ae toe logoina atu e lenei lava tama'ita'i ua lē o'o le latou malaga.


O le tama'ita'i lenei o Lynn Nauer ua molia nei i moliaga ole 'Mauaina ile taufa'asese'.


O se mata'upu ua logotala ai le Matagaluega e nafa ma avanoa nei i galuega fa'avaitaimi, le Matāgaluega o Pisinisi Alamanuia ma Leipa.


Ua fautuaina ai nei 'ele Matagaluega le atunu'u ina ia mataala i nei faiga taufa'avalea male fa'amoemoe e maua ai ni sēleni, ma ‘e tatau lava i tagata ona feso'otai le Matagāluega o Pisinisi Alāmanuia ma Leipa ia fa'amautinoa ai nei faiga.


2,932 views

Comentários


bottom of page