Loka le tūmasina i le maliu o se tasi o tamā mai Fiaga.

E le'o maua lava se to'a i faalavelave ua alia'e mai i ni isi o nuu ua maimau ai soifua o tagata.

O le tasi o faalavelave ua faailoa e le Komesina o Leoleo, o le matāupu na maliu ai se tamā 45 tausaga mai le nuu o Fiaga ina ua faaoolima ai se tasi lava o alii i le nuu lava e tasi.

O faamaumai a leoleo, ua masalomia sa tagofia le ava malosi ma i'u ai ina vevesi ma faaoolima ai le ua molia i lë ua maliu.

O le tamā ua maliu sa galue i se tasi o faatoaga a se aiga i le nuu, ae o lē ua molia ma taofia e leoleo, sa tūmasina i le faatoaga.

Ua saunoa le Komesina, ua faatino galuega a le Matagaluega i ala masani o le tulafono ina faatino ai suesue i le mafuaaga tonu o lea faalavelave e ui o loo iai masalomiaga i le isi taulealea ua taofia.

E lei mautū mai aso e tulai ai le ua molia e tali ni moliaga o lea tuuina ai e leoleo i luma o le faamasinoga.