top of page

Lu'i e Letufuga Atila Ropati le fa'ai'uga 'ale Palemia ile Fa'amasinoga Maualuga.

30 Oketopa 2022

PC: Facebook.


Ua tali fa'alaua'itele le afioga o Perestene o Fanua ma Suafa ia Letufuga Atila Manutopule Ropati e tusa o se fa'ai'uga ua fa'ai'ugafonoina ai le fa'amalolo mai ai o ia mai i le tofiga Perestene o Fanua ma Suafa a Samoa.


I se Pepa o Fa'amatalaga na fa'asalalauina i le Aso lenei Aso Sa 30 Oketopa 2022, ua fa'ailoa ai le tali a Atila Ropati i se tusi mai i le afioga i le Tama' tai Palemia o le Malo Tuto'atasi o Samoa na ia mauaina i le Aso 20 Oketopa 2022 ina ia fa'agafua le nofoa o le Perestene o Fanua ma Suafa, peita'i na toe tuliloa i se isi tusi na tusia i le Aso 28 Oketopa 2022 ma fautuaina ai o ia e tu'ua le ofisa i le Aso 31 Oketopa 2022.


O le tusi a le tama'ta'i Palemia o lo'o aiaia i le vaega 67(6) o le Tulafono o Fanua ma Suafa 2020.


I le tali a le afioga ia Letufuga Atila Ropati, ua ia faailoa ai o le ave'eseina o ia mai lenei tofiga e tusa ai ma le vaega e 67(6) o le tulafono o se vaega ua le o gatasi ai ma le Fa'avae, o lo'o fa'ailoa ai ;ua na'o le Ao o le Malo e iai lona Malosi'aga e faia ai le Fa'ai'uga mo le Ave'eseina o le Perestene o le Faamasinoga o Fanua ma Suafa fa'atasi ai ma le vaega e 2/3 o le Maota e Palotaina i totonu o le Fono Faitulafono a Samoa. Ae peita'i e le'i iai se tulaga fa'apea ua fa'ataunu'uina.


Ua fa'ailoa foi e Letufuga, o lea ua mae'a ona fa'aulu atu lana lu'i i le Faamasinoga Sili(Supreme Court) a Samoa e lu'i ina ai le fa'ai'u a le Tamaitai Palemia.

2,758 views

Comments


bottom of page