top of page

Māe'a su'esu'ega a fōma'i i le maliu o le tamā i galuega fa'avaitaimi.



Ua mae'a nei se su'esu'ega fa'afoma'i sa faia i le maliu ai lea o le tamā 45 tausaga le matua o Solosolo ma Asau i Savai’i a'o iai o ia i galuega fa'avaitaimi i le pitonu'u o Motueka Nelson i Niu Sila.


O le tamā 45 tausaga o Masivao Aleni Lepupa Nua, na malaga i galuega fa'avaitaimi i le masina o Oketopa o le tausaga le nei 2022 ma 'o le 4 ai lenei o tausaga talu ona malaga le tamā ia Masivao i galuega fa'avaitaimi i Niu Sila.


I se fa'amatalaga a si ona uso i Samoa nei ia Tavita Nua, o lona uso na maliu i le aso Tofi 10 Novema 2022; na maua atu e nisi o tama o lo'o latou galulue fa'atasi o lo'o ta'atia mai i totonu o le faletā'ele.


Na taumafai iai se togafitiga vave peita'i e le'i manuia, i su'esu'ega la a ale Ofisa o leoleo ma le foma'i ua fa'amaonia mai ai o lona fatu(heart attack) na mafua ai ona maliu.



O lagona o le faanoanoa na fa'asoa mai e lona uso i Samoa nei ia Tavita, le misia ai lea o lenei tamā i lana tautua sa ia fai; na ta'ua e Tavita, o Masivao e faia uma le fatu’āiga tausi a si o latou 'aiga e pei o fa'ato'aga ma lafumanu ae peita'i o lea ua malaga.


O le Aso Toona'i 26 Novema, ua fa'amoemoe e taunuu mai ai i Samoa lona tino maliu ona faia ai lea ona toe sauniga i le vaiaso fou i le Aso Gafua 28 Novema ma teu ai i lona nofoaga mau.


O le po o le Aso Lua o le vaiaso nei 22 Novema 2022, na faia ai ona sauniga fa'amanatu(Memorial Service) i le falemaliu i Nelson-Niu Sila, o le ta'ita'i o lea sauniga o le faife'au Toea'ina o le Ekalesia E.F.K.S i Nelson ia Faleulu Malaulau 'ae o upu fa'ala'ei'au na saunia lea e le faife'au E.F.K.S a Blenheim ia Rev Peniamina Fa'alave ma le tatalo na saunia e Ps Jeremiah Poluleuligaga o le faife'au Ekalesia Worship Center i Motueka.


2,641 views

Comments


bottom of page