top of page

Mālolosi mailei a le Panthers ma le $1.7 miliona ua ofa e tāofi ai Jarome Luai i le latou kalapu.

Ua fa'aalia se ofa tele a le kalapu lakapī liki a le Panthers, i le alii Samoa o Jarome Luai ina ia taofi ai pea i totonu o lenei 'au e ta'alo ai mo le tausaga fou 2024.


E $1.7 miliona lea ua ta'utino le Panthers e latou te totogiina ai Jarome mo le isi lua tausaga se'ia oo i le tausaga e 2026.


O Luai, e tatau ona māe'a lana konekarate i e tausaga e 2024 i le fa'ai'uga.


E pei ona fa'aalia e le Morning Herald i le lua masina talu ai, na fa'ailoa ai e le Panthers ia Luai e lē mafai ona latou totogiina atu ia te ia se tinoitupe e lë sili atu ma le $800,000 i le taamilosaga(season).


O lea fuainumera ua siitia i le tusa ma le $850,000, ae peitau e na'o le lua tausaga lea na ofaina atu e le Panthers mo ia.


I le tele o kalapu tetele ua iai nei, ua talitonu ai le Panthers e tatau ona iai nai siitaga talafeagai ma le umi pe tusa e sili atu ma le tausaga i le $1 miliona ina ia maileia ai Luai mai lana kalapu.


O le taimi nei e leo mafai ona faamautuina lenei ofo sei aulia le aso 1 o Novema o le tausaga nei.


Faaalia e Luai, o lona manao e tumau pea i le Panthers ae e manao e sailiili poo le a se mea e ono maua ai se tupe sili atu ma umi atu i isi kalapu ao le faia sana faaiuga.


1,168 views

Comments


bottom of page