Mōlia le tinā i le lima tagovale i 'oloa a le Treasure Box.

8 Tesema 2022.

Ua mōlia se tinā, i lona to'esea ai lea o ni oloa a le pisinisi e fa'atauina oloa mo tēuga i le taulaga o Apia.

O lenei tinā na fa'asalalu ina ni ona ata i luga o le facebook a le Matagaluega o leoleo fa'atasi ai ma se tasi foi o tinā lea na maua i mea pu'eata a le pisinisi.

I le feiloaiga masani a leoleo ma le u tusitala i lenei vaiaso n faamaonia mai ai e to'atasi lava ua mōlia i moliaga o le gaoi.

Ae o le isi tinā e pei on faasalalau mai ai foi ma lona ata, o ia lena sa molimau i le gaioiga a le isi tinā lea na toesea ni oloa mo tēuga mai i lea faleoloa i Apia.

"Ua fa'amae'aina le su'esu'ega, ma ua molia le tasi o tama'ita'i e suafa ia Suleata Ulumoto, 32 tausaga le matua o Lauli'i i le moliaga o le gaoi. O lea ua tatala nei i tua o ia, e tālia ai le vala'auina o lana mataupu i le aso 31 o Ianuari 2023. Tu'utu'uga o le tatala ai i tua, ia saini i Aso Gafua uma i le Ofisa Autū."