top of page

“Maimau pe ana i ai se mea e mafai ona ou faia e toe aumai ai o ia.”Vaelei.



O se tasi o taule’ale’a Samoa sa galue i galue i galuega faa-vaitaimi o David G faasologa sa iai ni miti ia maua se tupe lelei i fafo, ma le faamoemoe ia lava se tupe e toe foi mai ai i le aiga e faamautu ai ma lana uo teine ​​ma amata ai le la’ua ‘aiga.


Ae o na miti ua le taulau ina ua maliu David ma isi tagata faigaluega e toatolu i se faalavelave tau ta’avale afi i Victoria, Ausetalia, i le faai’uga o le vaiaso. O isi alo o le atunu’u na a’afia ma maliliu ai o Alesana Anitele’a, 34 tausaga le matua, manumalo Tapelu, 25 tausaga, ma Darrick Amouta Peleti e 28 tausaga.


O le itu’aiga ta’avale o le ‘van’ lea na mu ma maua ai i le Aso Sa e se tasi o tagata na aga’i atu i le vaega o Ausetalia, o ia lea na viliina le Ofisa o Leoleo pe tusa o le 7.45am taimi Ausetalia.

O lo’o fa’ailoa mai, sa i ai nei ali’i e to’afa i se fa’atasiga i le po o le Aso To’ona’i ma ua toe fo’i atu i lo latou fale i Mansfield i le taimi na tupu ai le fa’alavelave.

O le uo teine ​​a le susuga ia David Gasologa ua toeitiiti atoa le lima tausaga o feaoa’i, o Vaelei Von Dincklage, na fa’ate’ia ina ua taunu’u lava i lana galuega i le taeao o le Aso Gafua 13 Novem 2023 ae ia maua se tala e le’i mafaufauina ina ua logotala ua maliu lana pa’aga.


“Na tuu aʻu e Tavita e fai ma tagata e fesoʻotaʻi ai le pisinisi pe ‘a tupu se fa’alavelave. O lea na latou valaʻau mai ai ia te aʻu ma taʻu mai ia te aʻu se tala fa’anoanoa - faʻamaonia lona auai i se fa’alavelave ma e le’i manuia”.

“Maimau pe ana i ai se mea e mafai ona ou faia e toe aumai ai o ia.”


O Gasologa e ma ii le nu’u o Falefa, sa auai atu i galuega fa’avaitaimi i le masina i Iulai o le tausaga nei, na ta’ua e le tama’ita’i o Vaelei i le fa’atalanoaga ma le NZ Herald, o se alii ua leva na moemiti e fia faigaluega i atunu’u i fafo ona o le fa’amoemoe lenei, ia atinae ai lo la’ua aiga ma fa’amautu mo le lumana’i.

O le taimi mulimuli na talanoa ai David ma lana uo tama’itai ia Vaelei, o le po lea o le Aso To’ona’i 11 o Novema 2023.


“Sa mana’o David e ma te talanoa pea i luga o le telefoni i le po ‘atoa. Sa ma fetausua’i le tasi i le isi e pei ona masani ai, sa ia fesili mai po’o a mai lo’u aso ma fesili mai fo’i pe ua ou maua le tupe na ia lafo mai mo la’u meaai o le aoauli ma pasese o le pasi i le galuega ma le fale.”

“O ana upu mulimuli ia te au i lena po: ‘Moe loa ‘oe. Ou te leoleo ia te oe’. Na ou fai atu: 'Tofa - alofa atu ia te ‘oe. Ou te leʻi iloaina lava o le ma telefoni mulimuli lea ma le taimi mulimuli e toe feiloaʻi ai le tasi i le isi.”


O lo’o fa’aauau pea su’esu’ega a Leoleo a Vitoria i le fa’alavelave aemaise o feso’otaiga ma ‘aiga o i latou ua maliliu.


Na fa’ailoa e le Komesina Lagolago o Leoleo mo vaega o Auala, Glenn Weir, i le au fa’asalalau a le atunu’u, o loo iai masaloga sa tagofia e i latou le ‘ava malosi i se fa’atasiga sa iai i lea po a’o le’i filifili e o i o latou aiga.


Na tu’ualalo fo’i le tama’ita’i o Vaelei m oi latou uma o lo’o gfalulue i fafo i galuega fa’avaitaimi ina ia fa’aeteete.

1,206 views

Comments


bottom of page