Ua faamaonia e le Ofisa o Leoleo se alii faifaiva Niu Sila na maliu i le po tonu o le tausaga fou 1 Ianuari 2024 i le uafu vaa i Savalalo.
O le tamā nei ua silia ma le 10 tausaga o iai i Samoa ma o se tagatanuu o Niu Sila e faigaluega i vaa fagota o loo taula i Savalalo.
O loo faagasolo suesuega a le Matāgaluega o Leoleo i mafuaaga o le maliu ao talia ai foi suesuega faafomai mo le maliu lilo.
E tusa o lipoti a le Ofisa o leoleo, o le māe'a ai o mea fa'apāpā o le tauasaga fou i le vaeluaga ae maua ai se valaau e leoleo i le tino maliu na maua i luga o le vaa fagota.
O loo iai foi ni isi faalavelave tau maliu lilo o loo lipoti ane i le Ofisa o Leoleo ma o loo faagasolo ai suesuega faatulāfono.
コメント