top of page

Malo le au kirikiti a Samoa i tama'ita'i lalo o le 19 tausaga le matutua i lana ta'aloga muamua.




Na manuia le ta'aloga muamua a le 'au kirikiti a tama'ita'i e i lalo o le 19 tausaga le matutua a Samoa i lana ta'aloga muamua mo le ta'amilosaga o le ICC T20 East Asia Pacific Qualifier lea sa ta'aalo ai ma le au a Papua New Guinea i totonu o le atunu'u o Indonesia.


Sa fa'ato'ilalo e Samoa Papua i 'ai e 124 i le 19 a latou ova na maua i le 123 ma ova e 20 a Papua New Guinea o se ta'aloga e le'i faigofie le saiilia ai o se 'au e manumalo ae o le finau tele o le 'au tama'ita'i a Samoa ma manumalo ai.


O le tama'ita'i mai i le 'au kirikiti a Samoa o Verra Farane sa filifilia e avea ma teine ta'aalo lelei(Best Player of the Match) mo lea ta'aloga.


O Fiti lea o le a ta'aalo ma Samoa ma o se ta'aloga taua tele le tatau ai ona malo Samoa aua o se 'au e malo i le ta'aloga lenei i le va o Samoa ma Fiti o le a agava'a ma saofaga atu i le ipu o le lalolagi mo le kirikiti i le tausaga fou 2025.

71 views

Comments


bottom of page