top of page

Malolo le Manu Samoa i lana ta’aloga mulimuli mo le ta’amilosaga i Vancouver.

Lauano Demetrius Ah Mau.


O le taeao nei na ta’aalo ai le ‘au ale Manu Samoa 7’s i lana ta’aloga mulimuli mo le ta’amilosaga i Vancouver i Kanata, lea na o la saili ai ma le ‘au a Peretania le tulaga fitu peita’i ane na manumalo Peretania ma fa’ato’ilao ai le Manu Samoa ina ua toe sikoa i le taimi fa’aopopo ma tula’ia mai ai ‘ai o lenei ta’aloga Manu Samoa e 14 i le 19 a Peretania.


O le Manu Samoa sa fa’atulaga mai i le pool B fa’atasi ai ma Ausetalia, Farani ma Amerika, na manu malo i lana ta’aloga muamua ma Ausetalia i ai e 31 i le 7 soso’o lea o ana malolo ia Farani ma Amerika peita’i ane sa saofaga atu i le Quarterfinal.


Na saofaga atu le Manu Samoa i le Quater final lea sa ta’aalo ma faiaina mai ai i le Puma mai Argentina i ‘ai e 14 i le 12, o le Manu Samoa lava ia ua fa’atulaga mai i le tulaga 8 mo le ta’amilosaga lava ia lenei i Vancouver Kanata ae o le fa’atulagaina mo le tu’ufatasiga o togi i le ta’amilosaga atoa o le HSPC fa’atoa mautinoa pea maea lelei ona fa’atino le ta’amilosaga i Vancouver.


O lea ua toe saofaga atu le siamupini o le ta’amilosaga lenei i Vancouver i le tausaga ua mavae le ‘au malosi a Argentina lea o le ‘a o la sailia ai ma le ‘au a Niusila se siamupini o lenei ta’amilosaga i lenei foi tausaga 2024.


O le ‘a fa’aauau tamilosaga o le HSPC Sevens i le vae i Los Agnles i Amerika i le amataga o le masina fou le masina o Mati ma o le ‘a malaga tu sao atu ai fo’i le au a le atunu’u le Manu Samoa i lea ta’amilosaga.


218 views

Comments


bottom of page