top of page

Mana'oga o Aleipata Itupā i luga mo se masini fa'amamā Toto lona falema'i.

17 Ianuari 2023.


Faipule: Afioga Fua'ava Sulu'imālō Amataga (Itumālō mo Aleipata Itupā i luga)

O saunoaga fa'alaua'itele a faipule ma sui uma o le maota i lana fonotaga muamua o le tausaga nei 2023.


Na maua ai avanoa e fa'aali ai mana'oga o itumalo e fa'atatau lea i le tala fa'atatau fa'aaopoopo 2022/2023.


Na laāga mua le sui faipule o le Itumālō mo Aleipata Itupā i luga ia Fua'ava Sulu'imālō Amataga; o se tasi o mana'oga a le Itumālō ua fa'atalosagaina ai le Matāgaluega o Soifua Mālōlōina i se masini lea e fa'amamā ai toto mo i latou ua fa'aletonu ma a'afia fatuga'o.


Ona e talu ai, e pei ona sa fofola e Fua'ava, o lona itumālō e to’atele ni isi e fa'amamā toto ae o le mea o lo'o tupu, ua na'o Moto'otua ua tuli tasi mai e tagata mo lenei auaunaga, o le isi itu o le to'atele ua nonofo i le taulaga ina ia fa'alatalata i le fale fa'amamā toto ae o latou nei o lo'o mana'omia i nu'u ma afio'aga e faia upu a le nu'u a lona itumālō.


Na fa'auilavea le Minisitō o Soifua Mālōlōina le afioga Vālasi Luapitofanua To'ogamana Selesele, sa ia fa'afetaia le lagalaga i mea lelei o le faipule ma o lana tali vave i lea talosaga na fa'ailoa ai o le taimi lenei e le'o iai se tala o le tupe mo lana Matāgaluega i le tala lenei fa'atatau fa'aopoo o le tupe e mafai ai ona tali vave i lea talosaga; ma o le 'ā tagataga'i iai le Matāgaluega i ni ‘aulape e mafai ona ‘ausia e fa'atino ma fa'ataunu’uina ai lenei mana'oga.


O lo'o fa'aauau pea felafolafoa'iga a le Maota i le tala fa'aaopoopo o le tupe 2022/2023.


571 views

Comments


bottom of page