top of page

Manumālō le Uārota ‘a Vailima i ta’aloga ‘Afeleti a Apia Stake.

19 Oketopa 2022

O le aso 15 o ‘Oketopa 2022 na faia ai se ta’amilosaga o ta’aloga ‘Afeleti ‘a le Siteki a Apia i le Ekalesia a Iesu Keriso o le ‘Au Pa’ia o Aso e Gata ai.


E silia ma le 700 sui ‘auai a le ‘Ekalesia a Iesu Keriso ole Au Pa’ia o Aso e Gata Ai, e 10 uarota na ‘auai i le Aso To’ona’i i le malae ta’alo o le Apia Park.


O le fa’amoemoe lenei ose tasi o vaega ole polokalame fa’alauiloa mo ‘aiga ‘aua le tali atu ai i le soifua maloloina ma le ola maloloina, e pei ona sa ta’ua ai e le afioga i le Perestene ale Siteki i Apia ia Muagututi’a Jason Joseph.


O lenei aso o se toe fa’amanatu lea i le tāua ole fa’atasitasi o ‘aiga ma lona taua i le Fuafuaga a le Atua i le Soifua Fiafia o ona tagata.


Na molimauina lava le tulaga fa’atumulia o le malae ale Apia Park i le vaiaso ua tuana’i, e pei ona fa’amauina e o’o atu i le 800 na ‘auai i le fa’amoemoe taua.


O le uarota a Vailima na manumalo i lea ta’amilosaga ma latou avea ai le ipu ole ta’aloga Afeleti.


O uarota na ‘auai, e aofia ai Vailima, Malololelei, Moto’otua 1, Moto’otua 2, Alamagoto, Vaimoso, Mt Vaea, Pesega 2, Alafua ma Moamoa.




46 views

Comments


bottom of page