top of page

Manumalo le au soka a tama’ita’i a Samoa ia Vanuatu.

Tusia: Lauano Demetrius Ah Mau.


O le aso ananafi sa ta’aalo ai le ‘au soka a tama’ita’i a Samoa i lana ta’aloga muamua ma le ‘au a Vanuatu i le ta’amilosa o lo’o faia i eleele o Samoa nei. O le ta’amilosaga soka a le atu Pasefika ua taua o le Women Olympic Football Tournament Oceania Qualifier, o lo’o tausini ai au soka uma a atu motu o le Pasefika e aofia ai Fiti, Niu Sila, Solomona, Toga, Amerika Samoa ma Samoa nei.



Na manumalo Samoa i le a’a a le tama’ita’i o Leah Manuleleua a’o lamalama fa’ai’u le ta’aloga i nai minute o totoe ma maua ai loa ‘ai fa’ai’u, Samoa e 1 i le leai o se ‘ai a Vanuatu. O le auga o lenei ta’amilosaga e mo le sa’ilia ai o ni ‘au e saofaga atu mo ta’aloga tele a le lalolagi le Olimipeka o lo’o loma mai nei. O Samoa o lo’o talimalo i lenei ta’amilosaga i le umi e tasi le vaiaso.



O le isi ta’aloga a Samoa o le ‘a ta’aalo ma le ‘au a Niu Sila i le aso to’ona’i nei, aso 10 o Fepuari 2014 i le itula e 5 i le afiafi, i le malae soka i Tuanaimato.



131 views
bottom of page