top of page

Manumalo Samoa i le tulaga iva i Los Agnles.



O lea ua faaiu taaloga a le Manu Samoa 7’s i le vae i Los Angles i le taeao nei, sa o la sailia ai ma le au a Niu Sila le tulaga iva.


Na manumalo le Manu Samoa i ai e 12 i le 5 a Niu Sila ma o le taaloga mulimuli fo’i lea e taualuga ai ta’aloga a le Manu Samoa mo lenei ta’amilosaga i Amerika.


O Samoa sa faatulaga mai i le pool B faatasi ai ma Ausetalia, Niu Sila ma Amerika, ma e lei maua se avanoa e saofaga atua ai le au ale atunuu mo le sailiga siamupini lea ua pau mai ai ma o la sailia ai ma Niu Sila le tulaga iva. O le mea mautinoa ua le misi e Fiti, Niu Sila ma Ausetalia le avanoa e siamupini ai mo lea taamilosaga.


O le aso o le a fa’amaea ai le vae o le taamilosaga o le HSPC lea e faia i Los Angles ma o se au e manumalo mai ile taaloga a Spain ma Peretania o le a taaalo ma saili ai se siamupini mai se ‘au e manumalo mai i le taaloga i le va o Farani ma Aialani.


O Samoa lava ia ua pau mai i le tulaga 9 i le faatulagaina o au taitoafitu a le lalolagi.

353 views

Komentarze


bottom of page