Matua i numera o le soifua ae le’o le taleni.

Aso Gafua 15, Ianuari 2024.

O lo’o salalau i luga o upega o tafailagi ma le tele o feau tusitusia le toe sainia ai e le kalapu lakapi mai America (San Diego Legion) o le susuga ia Ma’a Nonu e toe ta’alo ai mo le tausaga lenei. O Ma’a Nonu o se tasi nei o numera 13 fa'amoemoeina ma iloga lana tautua i le au a Niu Sila i le tele o tausaga ao ta’alo ai, e lua ipu o le lalolagi na Siamupini ai Niu Sila a'o taalo Ma’a i le All Blacks. 

Folafola e Danny Lee o le faiaoga ulu o le San Diego Legion, lona fiafia tele i le toe foi atu ai o Ma'a Nonu e ta'alo i le kalapu mo le tausaga e tasi. O Danny Leo o se tasi o sui tuai o le All Blacks sa ta'alo i tausaga tua atu o Ma’a Nonu.  

Molimau Leo i le maoa’e ma le maofa o le taumafaiga a Ma’a e pei ole ala lea e fiafia ai e fa'ataunu'uina i totonu o le kalapu ina ia fesoasoani tele i le ‘au a'o loma ai le ta’amilosaga taua o le Major League Rugby Season I Amerika. E 11 ‘au o le a tausinio I lenei taamilosaga i le masina o Mati o le tausaga nei. 

O Nonu ua 41 tausaga ma na amata ta'alo mai i San Diego Legion i le tausaga e 2020 ina ua uma ana ta'amilosaga ta'alo e 6 i le kalapu lakapi i Farani( Freanch Club Toulon).

O le mea e maofa ai le faiaoga ulu o le kalapu lakapi a San Diego Legion, e o’o mai i le faimai lenei ua na’o Ma’a Nonu lava le tama taalo o le All Blacks mai i le ipu o le lalolagi i le tausaga e 2003 o lo’o ta'alo fa’apolofesa i le lakapi.