Maua foi avanoa e uu tupe ai le au fai lā'au totō teufale.

Ata Pueina: Government of Samoa.

O le asō na ootiina ai le ripine e tatala aloaia ai se tasi o atinae tāua mo le atunuu e ala i lā'au teufale, o le Komesina Maualuga o le mālō o Niu Sila i Samoa ia Dr Trevor Matheson na otiina le lipine.

Sa auai foi le Afioga i le Minisita o Faatoaga ma Faigafaiva ia Laaulialemalietoa Leuatea Polataivao Fosi Schmidt, ma o lea na ia fofogaina ai le lāuga a le mālō e tatala ai le faamoemoe.

Ie lauga a le Minisitā, na ia faailoa ai le tāua o nei poloketi e manuia ai tinā, tagata iai aafiaga tūmau o le soifua ma tamaitai talavou. Sa faafetaia foi le fesoasoani ma le lagolago a le mālō onAusetalia ma Niu Sila e tauala Polokalame o Atinae Faatoaga.

O le tamaitai Komesina Maualuga a Ausetalia ia Emily Luck na fai ma sui o pa'aga fesoasoani e faailoa le tāua o lea poloketi mo le atunuu aemaise o alagāseleni maua.

O le faalapotopotoga ua faaigoaina o le FAMA OMONEA poo asosi o le au fai laau teufale sa faavaeina mai e nao le 40 sui auai ma faatupulaia ai pea i le 60 sui auai i totonu o le 4 masina.

E 23 nuu mai itumalo o Samoa sa iai o latou sui i le faavaeina o lea faalapotopotoga ma onle faamoemoe maualuga ia lava le sapalai o lāau teufale.