Maua le laupalolo ae vaivai.

O le taeao nei na asi ai le palolo i ni isi o nuu o Upolu ma Savaii.

Na maua mai se lipoti i ni isi o tatou pa'aga mai Savai'i,na faailoa mai sa maua le laupalolo i Falelima ma le Itū o Asau ae vaivai.

Ua fa'amoemoe o le Aso To'onai 7 Oketopa 2023 e tatau ona ta ai le palolo.

I le valoaga a le Ofisa o Vaai Tau sa faailoa ai o le Aso Faraile le taaga muamua ma o le tau e ta i le Aso Toonai.

O le i'a nei o le palolo, e faalua ona tā i le tausaga i le masina o Oketopa ma Novema, o le tele o tausaga e tetele ai lava le palolo i Savaii.

O le molimau a le Ofisa o le tau i le mafuaaga e mafua ona tau faaletonu le palolo i nei vaitau ona o fesuiaiga o le tau ma le vevela o ogasami.

O le 'ā tulimata'i fo'i se tau o le 'ā faatauina ai enei i'a o le palolo i lenei tausaga.