top of page

Maualuga taumafaiga a Haylanni i le Miss Global i Cambodia.

O loo tumati'e lava taumafaiga a le alo o Samoa le tamaitai ia Haylanni Kuruppu o loo tauva nei i le tauvaga tele a le lalolagi o le Miss Global i totonu o le atunuu o Cambodia.


Na amata mai lenei tauvaga o lo'o maualuga lava taumafaiga a le nei tama'ita'i, ma e o'o mai le po o le Aso Lulu sa maofa tagata maimoa i le fa'aaliga o la'ei fa'aleaganuu i le la'ei a Haylanni.


O le la'ei Samoa a le tamaita'i Miss Samoa Global, na tapenaina e le afioga ia Leiataaualesa ma le Manaia Event i Samoa.


O lo'o talanoa mai fo'i le tama'itai i luga o ana fa'asalalauga i le facebook, i le tulaga maualuga o loo iai le lagolago a Samoa i ana taumafaiga, pe 'a fa'atusa iai lea ua o'o lava i luga o le 20 pito i luga e sailia ai tama'ita'i mo le isi laasaga poo le ausia atu o le Semi Final.


O le lona sefulu ai lea o lenei tauvaga e pei ona amata mai i le tausaga e 2013.


O le aso 10 o Ianuari na amata mai ai lenei tauvaga ma e iai le faamoemoe o le aso a taeao 18 Ianuari le sailiga Siamupini ma taualuga ai lenei tauvaga tele.


Ae i le lagolago a le atunuu ua molimauina i luga o upega o faamatalaga, o le to'atele ua mate tasi e ono sola ma le tausala mai Samoa le pale o le tauvaga lenei i le 2024.


O le kamupani a le Vodafone Samoa o lo'o lagolagoina lenei taumafaiga a le tamaitai o Haylanni Kurrupu.


2,053 views
bottom of page