Molia e leoleo le taule’ale’a solitōfaga i se tama’ita’i palagi o le Survivor.

16 Setema 2022

Ua i lima nei o leoleo le mata’upu ise alii e 22 tausaga le matua e le’o fa’ailoaina le suafa ina ua maua lona solia lea ‘o tofaga ‘o se tasi o tama’ita’i i le faletalimalo sa api ai sui o le polokalame o le Survivor.

Ua fa’amaonia mai nei ‘e le ofisa o Leoleo o lenei mata’upu ua sa o’o atu i le ofisa o leoleo ma fai ai loa sailiiliga ma maua ai le taule’ale’a 22 tausaga e ala i le fesoasoani lea ‘a le nu’u o lo’o iai le faletalimalo.

E lua ni moliaga ua molia ai lenei taule’ale’a, o le moliaga o le solia o se nofoaga e aunoa ma se fa’atanaga ma le fa’ao’olima matagā, ua sauni ai nei le ali’i lenei e tula’i i luma o le fa’amasinoga i le aso 23 o le masina lenei o Setema 2022.

O le isi mata’upu sa tula’i mai fo’i i le nofoaga o lo’o pu’eina ai lenei ata o le Survivor, o le to’esea ai lea oni masini pu’eata ma nisi o mea faigaluega mo le pu’e ina o ata mai i le nofoaga sa pu’e ai le Survivor i Salamumu.

Ua fautuaina ai leoleo le mamalu o le atunuu ina ia fa’afesootai atu pe’a fai e iai se isi o le’a fa’atauina atu nei oloa ia te ‘i latou.