top of page

Na'o le Toa Samoa le 'au Pasefika ua sao i le Semi Final ole Ipu o le Lalolagi 2022.

7 Oketopa 2022

O ai o le'a agava'a i le sa'iliga Siamupimi o lenei tausaga?


O le fesili lea fa'ato'a tali i le Aso 13 Novema 2022 pe'a mae'a ona ta'a'alo le Toa Samoa ma Enelagi e sa'ilia ai le 'au lea o le'a sa'ilia le Siamupini ole ta'aloga lakapi liki i le ipu o le lalolagi 2022.


Ae peita'i o se fa'aola totoga i tagata maimoa ma le 'au tapua'i le ta'aloga a le Toa Samoa ma le Matema'a i le taeao nei, talu mai le fa'ai'u o le vaiaso 'ina ua le ausia e nisi o tatou 'au lakapi o le ta'ito'afitu le sa'iliga o le Siamupini mo le ipu autu o le vae o lea ta'amilosaga fa'asolo i Hong Kong.


Ae mo le 'au lava ia Samoa le Toa Samoa, o lea ua sao atu nei i le semi-finals o le Ipu a le Lalolagi mo le taimi muamua i le tala faasolopito, ina ua manumalo i le 20-18 ia Tonga i 'afa faaiu o le ta'aloga ma le Matema'a Toga i Warrington.


O se ta'aloga mata'utia i luma o tagata maimoa e 12,674 i Warrington ma ua fa'atulaga ai le semifinal ai ma Egelani i Lonetona i le Aso To'ona'i a sau nei-Aso 13 i le 3.30am. O le a maua le avanoa o le au Samoa e toe taumafai ai e fa'asa'o ai le latou faiaina i le 60-6 i le amataga o le taamilosaga i le masina talu ai.


O Toga na au i le Semi Final o le Ipu o le Lalolagi i le tausaga e 2017, pei ta'i i le ta'aloga i le taeao nei na fa'ato'ilalo ai e Samoa le 'au lenei i le Quarter Final.


O le sikoa muamua na maua e Jadyn Su'a ina ua pasi atu ai e le 'afa ia Anthony Milford le polo ma sa'ili avanoa atu ai i lalo o le kou.


O se ta'aloga na faigata ona fai iai ni matematega 'ona o le malolosi uma lava o nei 'au a le Pasefika.


O le taualuga ai o le ta'aloga na manumalo ai le Toa Samoa i 'ai e 20 Samoa ae 18 le Matema'a Tonga.


O le ali'i o Anthony Millford na maua ina le fa'ailoga o le tagata ta'alo o lea ta'aloga e pei ona iai le nei vaiaso.


O isi ‘au a le Pasefika ua le mafai ona ausia le Semi Finals, o Tonga, Fiti ma Papua New Guinea.


E mafai ona tatou fa’ato’ilalo Enelagi?


Manua le alofaiva Toa Samoa.


104 views

Comments


bottom of page