top of page

Na tufa foi tupe a le ta'ito'a 7 a Samoa.

11 Ianuari 2022.


A'o agiga ai le tele o fa'amatalaga salatua, e fa'apea e tatau fo'i ona maua ni seleni a le au lakapi ta'ito'a fitu a Samoa ina ua mae'a le vae i Cape Town na manumalo ai.


Na maua le avanoa e fesiligia ai ni isi o tamaa ta'alo o le 'au ina ia fa'amanino lea vaega mo le atunu'u.


I le talanoa atu i fanau o le 'au lakapi ta'ito'a fitu na latou fa'amaonia ai sa maua fo'i a latou seleni e fa'aupuina o le ponesi ma na aumai i le tatou malo e tauala mai lea i le fa'apotopotoga o Tupe Fa'avaomalo a Samoa ia le SIFA.


Ua fa'amaonia e tama ta'a'alo e ta'i $3,800 le tama ta'alo na maua ina ua tufatufa lea fa'amanuiaga i le masina na mavae atu o Tesema i le tausaga e 2022.


O le masina fo'i lea na tufatufaina atu ai e le malo le ta'i $5,000 tala Samoa i tama o le Toa Samoa ina ua malaga mai i le atunu'u i le mae'a ai lea o le Ipu o le lalolagi lea na tulaga lua ai ma maua ai le pine siliva.


O le tele o fa'amatalaga sese ua agiga i upega o fa'amatalaga ua aumai ai e ni isi o tama ta'a'alo ia se tu'ualalo i le tatou atunu'u ina ia tumau pea lo latou lagolago i le tatou 'au lakapi ta'ito'afitu ma e leai so latou fa'amoemoe e ese'ese ni manatu o le atunu'u ona o le tatou 'au lakapi ma isi ta'aloga i Samoa.


811 views

Comments


bottom of page