top of page

Nofo i Savai’i le siamupini ole ta’amilosaga ta’ito’a fitu kolisi o Samoa ina ua fa’ato’i lalo e Vaiola le kolisi o Leififi.




O le fa’aiuga ole vaiaso na se’i mavae atu sa fa’agasolo ai le fa’aauauina o polokalame o ta’aloga a kolisi maualuluga uma o Samoa e ala ile fa’atinoina o le sailiga  siamupini o le ta’amilosaga ta’ito’a fitu lea sa fa’atinoina ile malae ole kolisi o Tuasivi i le motu tele i Savai’i.


Na fa’atumulia le malae o le kolisi o Tuasivi ile toatele o le mamalu lautele o le atunu’u na maua le avanoa e afifio atu ai e  maimoa ma tapuai ta’aloga a fanau, sa masi’i atu kolisi maualuluga a Upolu ua mafai oga agava’a ma saofaga i sailiga siamupini o le lakapi ta’ito’a fitu ae tali malo ai kolisi i Salafai e pei ona faaoga ai faleaoga e fa’amautu ai alo ma fanau sa malaga atu i Upolu mo lea faamoemoe.


O le kolisi o Leififi mai i Upolu ma le kolisi o Vaiola i Savaii sa saili ai se numera tasi poo se siamupini o le ta’amilosaga ta’ito’a fitu a kolisi o Samoa.


 Na maea le taimi ole ta’aloga o lo’o tutusa ai a ‘au uma e lua peita’i ane ole  taimi fa’aopopo lea sa maua ai le sala a le kolisi o Leififi ma faaoga loa e Vaiola i le faaiuga ale kapeteni e kiki ile pou lea sa kikiina ele numera fitu le alii o Vincent o le kolisi o Vaiola na fa’amautuina ai loa le malo ma le avea ai o Church College of Vaiola ma siamupini o lenei tausaga 2024 i ‘ai e 10 ile 7 a le kolisi o Leififi.





416 views

Comments


bottom of page