top of page

"O le matou meaalofa nei mo Samoa i le Kerisimasi" Brian Lima.

Tesema 12, 2022.


Ua lamalama fa'ai'u le tausaga lenei o le 2022, ina ua iai nei i le masina mulimuli o Tesema; ae ua toe manumalo le Manu Samoa Ta'ito'afitu i le ipu autu o le ta'ito'fitu na taliomalo ai Cape Town i Aferika.

O le Fitu lenei i Cape Town o le fitu mulimuli lenei mo le tausaga lenei 2022, ma o lea ua manumalo ai le Manu Samoa ina ua latou fa'ato'ilaloina le 'au a Niu Sila i le vaveao o le Aso Gafua 12 o Tesema 2022.

I le mae'a o le ta'aloga na saunoa ai le ali'i faia'oga a le Manu Samoa ia Muliagatele Brian Lima, e fa'afetaia le Atua aemaise o le tapua'iga a Samoa aoao ua mafai ai ona taualuga ma manuia ai le fa'amoemoe a le 'au lakapi ta'ito'afitu a a Samoa.

"Samoa, o se taumafaiga vaivai le na a alo ma fanau a si o tatou atunu'u lea ua fai ma ave fu'a o si o tatou atunuu, aemaise a o lenei fa'ai'uga o lenei tausaga. O lea ua matou taualugaina atu, oa ni fa'afitauli ma fa'aletonu o le tatou atunu'u mai i le amataga o lenei tausaga, o le meaalofa lenei mo outou i le Kerisimasi"

Sa saunoa foi le faiaoga ulu i le fa'afetai o ni isi fo'i o ta'aloga e pei ona iai le 'au si'isi'i u'amea mamafa, netipolo aemaise ai o le 'au lakapi liki Samoa na ia tu'ua fo'i le atunuu i se tulaga maualuga i le lalolagi.

O le fa’ai’uga o le ta’aloga finau i le va o Niu Sila ma Samoa na taualuga i le manumalo ai o Samoa i ‘ai e 12 i le 7 a Niu Sila.

Ua fa’atulaga mai ai nei fo’i o Samoa ua tulaga muamua i atunu’u o le lalolagi i le ta’amilosaga ta’ito’afitu o le tausaga 2023 lea ‘ua amata nei.


649 views

Comments


bottom of page