top of page

O le saogalemu o Sam o le fa'amuamua lena a le Fa'amasinoga.

Ua fa'ailoa mai e le fa'amasino o le fa'amasinoga fa'aitumalo a Samoa ia Raymond Schuster, ua tuu atu nei i le Aso Lua 13 o Fepuari le mata'upu i le tralosaga a Sam Su'a e iloiloina ai lana talosaga mo le tatalaina i tua mai le nofo taofia po'o le nofo va'ava'aia.


O le taeao o le Aso Lua 6 o Fepuari na toe tuuina atu ai luma o le Fa'amasinoga Fa'aitumalo lenei mata'upu e uiga i se talosaga a loia o lo'o tula'i mo Sam ina ia tatalaina i tua(bail out).


Ae peita'i e le'o lea le itu o le silasila a le fa'amasinoga, o le fa'amuamua a le Faamasinoga o le saogalemu lea o le susuga ia Sam.


O le tulaga lea ua aumai ai nei ma le autasiga a loia o loo tula'i mo Sam ma Leoleo ina ia suia mai le potu e taofia ai Sam mai i le potu o loo iai i le taimi nei i le potu o loo taofia ai Tupulaga Talavou.


Ua aumai ai nei ma le fa'atonuga a le Fa'amasino, ina ia iai ma se leoleo e fai ma siaki i le susuga ia Sam i le ta'itasi le itula ona e iai nai lipoti ua oo atu e uiga i se gasegase e aafia ai le susuga ia Sam.


O le Aso Lua 13 o Fepuari, o le 'a iloilo ai le talosaga mo le toe tatalaina i tua aemaise o le talosaga ua tu'uina atu mo lona saogalemu.


O Sam na taofia fa'atasi mai lona toalua ma se tasi o tama'ita'i ona o le mata'upu sa molimau ai Sam i le maliu o Tuuau Fa'asavalu i le trausaga e 2021.

3,170 views
bottom of page