top of page

O lo’o fa’aauau pea pātī mo le Toa Sāmoa.

21 Novema 2022


Toa Samoa Supporters (Auckland)

O fa'afiafiaga ma fa'aumu( cheehoo ) na fa'aauau pea i le taeao o le Aso Sa mo le au lakapi liki a Samoa, e ui ina faia'ina le Toa Samoa i le la ta'aloga ma le Kangaroo.


Na tau fai seti 'uma uati a tagata i le itula e 5 i le vaveao o le Aso Sa e matamata ai i le faaiuga o le Ipu Lakapi Liki a le Lalolagi i le va o Samoa ma Ausetalia.


Peitai na alalaga fiafia ma alalaga nisi o le au lagolago mo le Toa Samoa i le nofoaga autu o le taulaga i Ōtara i Niu Sila.


O le itula e 8 i le taeao Aukilani i Saute na matua va'aia ai le fiafia o tagata ae o le pisi fo'i o le auala i tagata o loo talotaloina fu'a a Samoa i le oso a'e o le la i ina ua mavae le ta'aloga mata'ina a Samoa ma Austalia.


O le lona tolu ai le o Ipu o le lalolagi ua malo soso'o ai le 'au lenei a Ausetalia ma 'ose tulaga maualuga fo'i i le 'au a Samoa 'ona o le faigata lea ia Ausetalia ona tau taofiofi le osofa'iga malosi ma le pu'e a le Toa.


O se ta'aloga na faia i luma o le 67,502 tagata maimoa i le malae ta'alo o le Old Traffordi.


Sa fautuaina le au lagolago na 'auai i ni fiafia na fai i Ōtara e aumai ni lavalava mafanafana, fale'ie tolauapi po o fala e nonofo ai, meainu vevela ma -'ia ma ni fu'a Samoa ma mitiafu.


Na fa’ailoa e le ali’i faia ata tifaga o Oscar Kightley i le nusipepa a le Stuff e tatau lava ona fa’atau ni fu’a fou e fa’ailoa ai lona lagolagoina o le ‘au liki a le Toa Samoa.


Sa 'auai fa'atasi o ia i le afe ma afe o Kiwi Samoa na maua avanoa e fiafia fa'atasi ai i Otara ma fa'afetaia le fa'ai'uga o le ta'aloga a le Toa Samoa ma Ausetalia.


'Ae mo le atunu'u i Samoa, na filemu mea 'uma i le Aso Sa ma maua le avanoa e aga'i ai i malumalu tapua'i e fa'afetaia le Atua ua taualuga le fa'amoemoe a alo ma fanau o Samoa i le ipu o le lalolagi i Enelagi 2022.


90 views

コメント


bottom of page