top of page

“Pau le fofo o le taugatā o le soifuaga, o le fai o se va'aoloa a Samoa.”Olo Fiti.

31 Ianuari 2023.


Minisita o Galuega le afioga ia Olo Fiti Afoa Va'ai.

A'o tapisa le atunu'u ma le lalolagi i le tauga ua iai nei le soifuaga i le tau o oloa ma auaunaga.


Ua fa'aalia manino se finagalo a le Minisita o Galuega le afioga ia Olo Fiti Afoa Va'ai i le fono a le Palemene i le vaiaso ua tuana'i e tali atu ai i ni isi o manatu i sui faipule i le tulaga ua iai nei le taugata tele o le soifuaga.


I le saunoaga a le Minisita, na ia fa'ailoa ai e pau le fofo o le tulaga taugata ua iai nei tau o oloa o le fai lava o se va'a oloa a Samoa ia.


"...o le tulaga la lea ua aga'i iai lenei itu tino, e fai se fuafuaga i tulaga o freights; ma olea ua a'e ai se tofa ua tatau nei loa ona fai se va'a a Samoa"


Na saunoa le Minisita, ua mae'a ona faia su'esu'ega a lana Matagaluega ma ua mautinoa e pau lea o se fofo lelei mo le fo'ia ai o lenei fa'afitauli.


E le gata i lea ae sa ia fa'ailoa, se tasi o vaega taua o le iai o se tatou lava; o le'a mafai ai fo'i ona maua le avanoa e fa'a auva'a ai lava le va'a lenei i tatou lava tama fanau.


Ua tapena nei le fuafuaga lenei a le Minisita aemaise o le Matagaluega o Galuega Tetele a le Malo ina ia tu'uina atu le latou polokalame fa'ata'atia aemaise o se talosaga mo lenei fa'amoemoe taua mo le tulaga taugata o le soifuaga.


179 views

Comments


bottom of page