top of page

Pine apamemea Samoa ile ta’aloga ole 4x100m meters po’o le tu’ugafu’a i taaloga ale Oceania.

O le vaiaso na se’i mavae atu sa fa’atinoina ai le fa’agasologa o ta’aloga afeleti ale itulagi lenei po’o le Oceania Championship, lea sa tali malo ai le atunu’u o Fiti.


O lenei ta’amilosaga e masani lava ona fa’atino pea mae’a ta’aloga a le Pasefika i le ta’i fa(4) tausaga ma fa’atinoina ma e eseese lava fo’i atunu’u e tali malo ai.


Sa masi’i atu le au tamomo’e a Samoa ma auai atu i lenei fa’amoemoe i totonu o Suva i Fiti e pei ona iai le Team Samoa Athletics o lo’o taitaia e le susuga ile faiaoga ulu ia Nonu Ah Chong Sam Chong male pulega.


O le ‘au sa masi’i atu o lo’o iai male alo o Samoa lea sa pine apamemea ile ta’aloga ole 100m a le Pasefika na mavae atu le ali’i o Johnny Key, ae ole toatele o ali’i tamomo’e o lo latou taimi muamua nei ua masi’i ma auai i ni ta’aloga faavaomalo. 


O se fiafiaga tele ile asosi Afeleti a Samoa le Team Samoa Athletics le ausia ai o se tulaga lelei ma maua ai se Pine a Samoa i ta’aloga nei ale Oceania o se tulaga e faigata ona ausia pea fua iai i le tele o tausaga ua mavae atu aua o lo’o auai fa’atasi ai Niu Sila ma Ausetalia i nei ta’amilosaga a le Oceania.


O lenei au sa tuufa’atasia mai i nisi o alo sa tamomo’e i ta’aloga afeleti a kolisi maualuluga a Samoa ile tausaga ua mavae ma sa toleni ma tapenapena mai use taimi umi ao lei faia taaloga ale Pasefika o le toatele o i latou e i lalo ole 18 tausaga le matutua.


O Papua New Guinea sa pine auro, pine siliva iai le ‘au tamomo’e a Fiti a’o Samoa ile pine apa memea.


O le au ave fu’a a Samoa ile taaloga lenei ole 4x100m (relay) o le alii o Johnny Key, Maika Pedro, Falatunatuna Solomona ma le alii o Livingstonrick Savaiinaea.



Comments


bottom of page