top of page

PUSA 'ELENI MA'A: Ne'i so'ona fiafia tele i le Kerisimasi 'ae galo ai togafiti a tagata le alolofa.

Ua vevesi le atunu'u ona o tapenaga ma fuafuaga fa'ata'atitia mo aso fiafia, ua gasolo mai 'aiga i fa'amoemoe e pei o maliu, saofa'i, talagateu ma isi.


O le mea mautinoa, ua iai ma taimi e 'ela ai le va'ai ma le matau i aga masani o le lalolagi.

E le'i mamao atu nei, ona agiga i upega o fa'amatalaga ni ata ua fa'asalalauina ai ni ma'a sa maua i totonu o pusa'apa eleni o se tasi o fa'alavelave a se 'aiga.


E na'o le 4 eleni 'ae o le pusa ua fa'atumu i ma'a, o lo'o fesiligia e 'aiga po'o fea e ala mai ai nei faiga le alofa.


Ua matau le tatou 'au'aunaga, ua tele fale'oloa ua latou fa'atauina mai ni pusa'apa mai i tagata taito'atasi ma e pei o isi ia mafua'aga o lo'o sao mai ai nei faiga le manuia.


O le taumafai atu a le Blutv i Matagaluega e Fitoitonu ma le va'ava'aia o nei tulaga peita'i e le'i manuia ma o lo'o fa'atali ai pea se tali mai.


O le tele o tausaga, e iai lava mea e tutupu aemaise o aso fiafia ma aso e vevesi ai; e fa'aaoga ai e tagata le alolofa iai aso e fa'asaosao mai ai ni faiga le manuia ma tufanua.


Ua iai fo'i le atunu'u i le pisi o aso fiafia, ma e tatau lava i tagata taitoatasi ona mata'itu lelei faiga nei.


Manuia le Kerisimasi!


385 views
bottom of page