top of page

Sē'ei Rev Tunumoso Iosia avea ma ta'ita'ifono a le EFKS.

1st Oketopa 2022

Ua fa’amaonia mai nei le se’ei ai lea o le susuga i le fa'afeagaiga ia Rev Tunumoso Iosia i le tofiga o le ta'ita'ifono o le Ekalesia Fa’alapotopotoga Kerisiano o Samoa (EFKS) i le 2022-2023 ina ua mae’a le faiga filifili tele e taualuga ai le fono tele a le Ekalesia i Malua o le tausaga lenei 2022.


O le susuga i le fa'afeagaia ia Tunumoso na avea ma sui ta'ita'i ia Rev Iosefa Uilelea lea ua mae'a lana nofoa'iga, e tusa ai ma aiaiga a le Ekalesia o le fa'afeagaiga lava e sui taitaifono o ia lena e se'ei i le tofiga taitaifono pea tau aofia le fonotele i le isi tausaga ae o le tofiga sui usufono e fai ai le palota tele a le Ekalesia ma ona sui usufono.


O le susuga ia Rev Tunumoso Iosia e le fou ia te ia lenei Tofiga, na avea o ia ma Taitaifono o le Ekalesia i le 201-2018, ona se’e ane lea ua avea ma sui taitaifono i le tausaga e 2018-2019 peita'i i le 2019 na toe filifilia ai e avea ma taitaifono ae sui taitaifono ai le susuga i le faafeagaiga Toeaina ia Rev Iosefa Uilelea.


I le maea ai o le faiga filifiliga tele a le Ekalesia aoao ua se'e mai ai nei le susuga ia Rev Tunumoso Iosia e avea ma taitaifono i le tausaga nei 2022-2023, ae ua toe filifilia ai Rev Iosefa Uilelea avea ma sui taitaifono ae toe filifili ai Rev Vavatau Taufao i le Failautusi aoao.


Ua fa’ailoa mai fo’i ua toe tasi ai nei le tausaga mo le susuga i le failautusi ia Rev Vavatau Taufao.


O le tofiga o Sui taitaifono e fai le palota i tausaga taitasi pea tauaofia le fono tele ae o le failautusi ma le teutupe e tai tolu tausaga ma fai le faiga palota.


702 views

Comments


bottom of page